اسلام آباد۔ 07 نومبر (اے پی پی) صدر مملکت ڈاکٹر عارف علوی خیبرناعلاقہ تیراہ ٹی آپریشن نا وخت آ شہیدی نا جام ءِ نوش کروک آ ورناتے خراج عقیدت پیش کرینے۔ ایوانِ صدر نا پریس ونگ آن سے شنبے نادے آ جاری بیان نا رداٹ صدر مملکت لیفٹیننٹ کرنل محمد حسن، خوشدل خان، رفیق خان و عبدالقادر ءِ جون ءِ ندر کننگ آ قوم انا کنڈآن خراج عقیدت پیش کرسا پارے کہ شہید آتا قربانیک زیان مفسہ۔ اوداعزم انا درشانی ءِ کرے کہ دہشت گردی نا پورو چٹفنہ۔ صدر مملکت پارے کہ شہید آک قوم انا گمر ءُ۔ اوشہید آتا خاہوت آتون ہمدردی نا درشانی ءِ کرے و اوفتا صبر وجمیل کن دعاکرے۔ صدر ڈاکٹر عارف علوی شہید آتا درجہ غاتا بڑزی کن دعا کرے و وطن کن اوفتا خذمت آتا ستاءِ کرے ۔
