اسلام آباد۔ 07 نومبر (اے پی پی) نگران بنجائی وزیر توانائی محمد علی پارینے کہ توانائی نا بشخ انا گچینی کن موثر گام گیج کننگ انگ ءِ، قابل تجدید توانائی نا ڈٹ آتیاکاریم برجاءِ، انرجی مکس ءِ بدل کرسا 60 درسد بجلی توانائی نا گیگ بدل ذریعہ اٹ ودی کننگک ۔ داخیال آتا درشانی ءِ او سالانہ تکنیکی کانفرنس و آئل شو 2023 اٹی بطور مہمان خاص تران کرساکرے۔ محمد علی پارے کہ حکومت انرجی مکس ءِ بدل کرسا 60 درسد بجلی گیگ بدل توانائی نا کمک اٹ ودی کننگ نا ہدف مقرر کرینے ہرافتے ٹی ہائیڈرو ، ونڈو سولر اوار ءُ، قابل تجدید توانائی نا بشخ اٹی مستین اٹ کیہی پالیسی جوڑ کننگا، ملک اٹی توانائی نا بشخ انا گچینی کن گام گیج کننگ انگ ءِ و قابل تجدید توانائی نا ڈٹ آتیاکاریم برجاءِ۔ اوپارے کہ توانائی نا جوان کاریم اٹ اتنگ آ چکار کننگ انگ ءِ تانکہ بجلی ءِ بچت کننگ مرے، نن خوانہ کہ بجلی نا ہمو ازباب آتا کاریم اٹ اتنگ ءِ مون آ دننگے ہرافتیان توانائی نا بچت مننگ کے و نن گیگ بدل توانائی نا ڈٹ آتا کنڈآکان۔ اونا پاننگ ئس کہ گیگ بدل توانائی نا ڈٹ آتیازرکاری کن کاریم کننگ انگ ءِ، سولر توانائی نا ہم است بڈی ءِ کننگ انگ ءِ، سولر ڈٹ آتیا خصوصی چکار کننگک دامسخت کن 600 میگاواٹ نا سولر بجلی کن بولی طلب کننگ انگ ءِ۔ وزیر توانائی پارے کہ نن 30 درسد گاڈی تے بجلی آ گدریفنگ نا ڈٹ اس جوڑ کرینن، ملک اٹی الیکٹرک گاڈی تے مون آ دننگک و دا ڈٹ آہم کاریم مننگ ءِ ، داڑآن چاگڑدی ویل آتا ایسری ٹی ہم کمک رسینگک۔
