کوئٹہ۔ 07 نومبر (اے پی پی) پاکستان پیپلزپارٹی کوئٹہ ڈویژن نا صدر خیرمحمد ترین پارینے کہ پیپلزپارٹی مدام محروم و مظلوم تپہ غاتا احساس محرومی تا چٹفنگ کن جہد کرینے، اِرغ پُچ و ہند انا نعرہ ءِ عملی دروشم اس تسنے 8 فروری آ مروک آ گچین کاری تیٹی پارٹی بھلو گیشتری اسے اٹ سرسہبی دوئی کیک کارندہ غاک لس گچین کاری تا پبی تیاری ءِ کیر۔ داہیت ءِ اوکوئٹہ ڈویژن نا سیکرٹریٹ اٹی اوڑدہی کروک آ پارٹی کارندہ غاتا اسہ ڈل اسے تون گپ وتران کرسا پارے ۔ اوپارے کہ پاکستان پیپلزپارٹی بے رنگ و نسل بے پرخ السی خذمت آ یخین تخک ، پیپلزپارٹی مدام محروم و مظلوم تپہ غاتا احساس محرومی تا چٹفنگ کن جہد کرینے۔ اوپارے کہ پاکستان پیپلزپارٹی الس نا طاقت آ یخین تخک پارٹی ہراتم کہ برسراقتدار بس الس نا ویل آتے ایسر کننگ کن اولیتی بنداو تیا گام گیج کرے و ورناتے میرٹ آ روزگار فراوان کرے ہندا سوب ءِ کہ پارٹی الس نا است آتیٹی جاگہ کرینے، پاکستان پیپلزپارٹی ءِ چٹفنگ نا تغ ءِ خنوک آک تینٹ چٹار ولے پاکستان پیپلزپارٹی اینو ہم الس نا است آتیٹی راج کیک۔ اوپارے کہ الیکشن کمیشن آف پاکستان نا 8 فروری 2024 ء آ لس گچین کاری تا اڈتنننگ نا فیصلہ ستاکڑزک پاکستان پیپلزپارٹی نا جیالہ غاک لس گچین کاری تا پبی تیاری ءِ کیر۔ اوپارے کہ 8 فروری نا دے، پاکستان پیپلزپارٹی نا سرسہبی نا روشنائی ءِ اتسا پاش کیک و پاکستان پیپلزپارٹی بنجاتون اوار صوبہ غاتیٹی حکومت جوڑ کیک۔
