مقبوضہ بیت المقدس۔ 07 نومبر (اے پی پی) فلسطین اسرائیلی وزیر دودوربیدہ نا غزہ غا ایٹمی بمب تمنگ نا بیان تا ترندی اٹ مذمت ءِ کرسا پارینے کہ اسرائیلی وزیر دودوربیدہ غزہ ءِ پوسکن آ ہیروشیماہُننگ خواہک۔ سعودی خبررساں ادارہ نا رداٹ فلسطینی وزیراعظم محمد اشتیہ تدوک آ دے اسہ تقریر اسے ٹی پارے کہ اسرائیلی وزیر غزہ ٹی ہیروشیما ہُننگ خواہک۔ اوپارے کہ غزہ ٹی ایمبولینس آتے دنیا نا خن تا مون آ بمباری نا شست کننگ انگ ءِ۔ اوجہانی برادری آن غزہ نا پٹی ٹی جنگ ءِ توننگ کن دمدستی گام گیج نا خواست کرینے۔ اوجہانی فوجداری عدالت آن اسرائیلی حکومت نا برخلاف مقدمہ چلیفنگ نا خواست کرسا اقوام متحدہ غان غزہ ٹی ہزار آ چناتا مرک آتیان پد یوم اطفال ءِ منسوخ کننگ نا خواست کرے۔ اوزور شاغا کہ غزہ فلسطین نا اٹوٹ انگ ءِ۔
