اسلام آباد۔ 06 اکتوبر (اے پی پی) ڈپٹی کمشنر اسلام آباد عرفان نواز میمن پارینے کہ ڈینگی مرض آن بچنگ کن رکھی گام گیج آتیا عمل کننگ المی ءِ، شاری تا جان نا رکھ اکن ہرممکن گام گیج ننا اولیت ءِ۔ داخیال آتا درشانی ءِ او تینا کماشی ٹی انسداد ڈینگی مہم نا بابت جاچ دیوان اٹی کرے۔ انسداد ڈینگی مہم نا دیوان اٹی ڈپٹی کمشنر اسلام آباد تون اوار ایڈیشنل ڈپٹی کمشنر، ڈسٹرکٹ ہیلتھ آفیسر، اسسٹنٹ کمشنرو مجسٹریٹ و ایلو اسٹیک ہولڈر آک ساڑی ئسر ۔ دیوان اٹی ڈپٹی کمشنر عرفان نواز میمن پارے کہ ڈنگی دین خطرناک مننگ کیک ہنداسوب آن رکھی گام گیج آتیا عمل کننگ المی ءِ۔ او پین پارت کرے کہ ڈینگی نا توننگ کن شار انا چندی علاقہ غاتیٹی سفائی نا بست وبند آتے گچین کننگک و کوڑاکرکٹ آتے ہرفنگ و ورک شاپ، ٹائر شاپ آتون اوار اسہ جاگہ اس ہم دِیر تے مچ مننگ کن اِلنگپ، داڑتون اوار اوار مخلوق اٹ انسداد ڈینگی نا بابت آگاہی مہم اس ہم بناکننگے۔ اوپارے کہ اسلام آباد اٹی مہلک دین ءِ کنٹرول کننگ کن ہرممکن وسیلہ غاتے کاریم اٹ اتنگک، خلقی علاقہ اسلام آباد ننا اولیت آتیٹی اوار ءِ، و شاری تا جان نا رکھ اکن ہرممکن گام گیج ننا اولیت ءِ۔
