نگران وزیراعظم انوارالحق کاکڑ تون نگران وزیراعلیٰ سندھ جسٹس ریٹائرڈ مقبول باقر نا اوڑدہی

اسلام آباد۔ 06 نومبر (اے پی پی) نگران وزیراعظم انوارالحق کاکڑ تون نگران وزیراعلیٰ سندھ جسٹس ریٹائرڈ مقبول باقر اوڑدہی کرے۔ دوشنبے نادے آ  وزیراعظم آفس نا میڈیا ونگ آن جاری بیان نا رداٹ اوڑدہی ٹی صوبہ نا چندی انتظامی امور و امن و ایمنی نا حالیت آتیا گپ وتران کننگا۔ وزیراعلیٰ سندھ وزیراعظم ءِ صوبہ ٹی نگران حکومت نا کنڈآن السی آسودہی کن کروک آ چندی گام گیج آتیان معلومدار کرے۔ اوڑدہی ٹی سندھ اٹی سمگلنگ و بجلی دُزی نا توننگ نا بابت گام گیج آتیا ہم گپ وتران کننگا۔ وزیراعظم وزیراعلیٰ سندھ انا کماشی ٹی صوبہ  نا انتظامی امور نا بابت مثبت پیش رفت آ حکومت نا کوشست آتا ستاءِ کرے۔