اسلام آباد، پاکستان انجینئرنگ کونسل نا کنڈآن چارمیکو جہانی انجینئرنگ ڈینز کانفرنس 13و 14 نومبرآمریک

اسلام آباد۔ 06 نومبر (اے پی پی) پاکستان انجینئرنگ کونسل نا کنڈآن چارمیکو جہانی انجینئرنگ ڈینزناکانفرنس 13 و14 نومبر آکراچی ٹی مریک ہراٹی بنجائی وزیر سائنس و ٹیکنالوجی ڈاکٹر عمر سیف آن بیدس چیئرمین پاکستان انجینئرنگ کونسل انجینئر محمد نجیب ہارون تون اوار ملکی و درملکی مندوبین آک بشخ ہلیرہ۔ انجینئرنگ کونسل نا رداٹ ڈینز کانفرنس نا مسخت چندی ملک و پاکستان آن انجینئرنگ اکیڈمیانا راہشون تے انڈسٹری و بروک آدہائی نا چیلنج آتا رداٹ انجینئرنگ ایجوکیشن اٹ پوسکن اصلاحات پیش کننگ کن بٹنگ انگ ءِ۔ اوپارے کہ ڈینز کانفرنس اٹ بنجائی وزیر سائنس و ٹیکنالوجی ڈاکٹر عمر سیف آن بیدس چیئرمین پاکستان انجینئرنگ کونسل انجینئر محمد نجیب ہارون تون اوار ملکی و درملکی مندوبین آک بشخ ہلیرہ۔ کانفرنس اٹ بنجائی وزیر سائنس و ٹیکنالوجی ، چیئرمین پاکستان انجینئرنگ کونسل، انجینئرنگ ایکریڈیٹیشن ڈیپارٹمنٹ بورڈ آف انجینئرز ملائیشیا نا مسکوہی ڈائریکٹر اذلان عبدالعزیز، انجینئرز آئرلینڈ چیئرگورننگ گروپ، انٹرنیشنل انجینئرنگ الائنس و چیئرانٹرنیشنل پروفیشنل انجینئرز ایگریمنٹ نا ڈائریکٹر جنرل ڈیمین اوونس ، پروفیسر الزبتھ ٹیلر، پروفیسر جوہری میگت محمد نور، پروفیسر ڈاکٹر مارک ڈائر، ڈاکٹر ناجی مہدی،پروفیسر ڈاکٹر شہباز خان ، پروفیسر ڈاکٹر شہرین صاحب الدین، ڈاکٹر سہیل ایچ نقوی، پروفیسر ڈاکٹر زبیر احمد شیخ و پروفیسر ڈاکٹر فضل احمد خالد آن بیدس ایلو چاہندار آک تینا خیال آتا درشانی ءِ کیرہ۔