جموں نا مسلمان تا نسل کشی نا مذمت ءِ کینہ، وزیراعظم آزاد کشمیر نا کلہو

اسلام آباد۔ 06 نومبر (اے پی پی) وزیراعظم آزاد کشمیر چوہدری انوارالحق  پارینے کہ اینو نادے کنٹرول لائن نا ہڑتوم آ کنڈ و مچ آ دنیا ٹی رہینگوک کشمیری شہداءجموں ءِ پبی خراج عقیدت پیش کینہ، مسلمانان جموں نا بھلو کچ اسے آ نسل کشی و اوفتا کروک آ بدترین ظلم انا  ترند انگا لوز آتیٹی مذمت ءِ کینہ۔ یوم شہداء جموں نا وخت آ تینا کلہو اٹی وزیراعظم آزاد کشمیر چوہدری انوارالحق پارینے کہ جموں ٹی ستمبر آن 6 نومبر 1947 اسکان کم و ود دونیم لکھ مسلمان تا کشت وخون مس، 25 ہزار آن زیات زالبول آتے برمتہ کننگا و لکھ آ کشمیریک پاکستان نا کنڈآ ہجرت کریر، مسلمان تا دا قتل عام اسہ جوان و منظم ڈٹ بندی سے نا رداٹ مس۔ وزیراعظم آزاد کشمیر پارے کہ مسلمان تا کشت وخون اٹ پٹیالہ فورس، آرایس ایس و ایلو انتہاپسند جتھ آک اوار ئسر، مسلمان تا گیشتری ءِ اقلیت اٹ بدل کننگ کن سفاکیت نا درشانی ءِ کننگا، اینو دا مہاجرآتا نسل آک داڑے ہر زندانا بشخ اٹی پبی نمائندگی کننگ ءُ، شہید آتا مقدس مشن نا پوروی کن تینا غٹ تر لائخی  ووسیلہ غاتے کاریم اٹ اتیرہ۔ وزیراعظم پارے کہ آزاد وکشمیر، بھارت نا غیرکانودی کوزہ ٹی جموں وکشمیر و مچ آ دنیا ٹی رہینگوک کشمیری شہدائے جموں ءِ پبی خراج عقیدت پیش کینہ۔