اقوام متحدہ۔ 06 نومبر (اے پی پی) اقوام متحدہ نا غٹ بھلا ادارہ غاتا سروک آک غزہ ٹی شاری تا زوال آتیا غم و غصہ نا درشانی ءِ کرینے۔ فرانسیسی خبررساں ادارہ نا رداٹ اسیجائی بیان اٹی اقوام متحدہ نا دا ادارہ غاتا سروک آک اسرائیل و حماس نا نیام اٹ جنگ اٹی انسانی بنداوتیا دمدستی جنگ بندی نا خواست کرینے۔ بیان اٹی پاننگانے کہ بھاز مس، داسہ دا جنگ بایدے بند مرے ۔ یونیسیف ، ورلڈ فوڈ پروگرام و ورلڈ ہیلتھ آرگنائزین آتون اوار 18 ادارہ غاتا سروک آ ک جنگ انا بناآن پد ہڑتوم آکنڈآ مروک آخوفناک نسخان تے بیان کرینے۔ یات سلے حماس نا بست وبند اٹی وزارت جان جوڑی نا رداٹ اسرائیل نا غزہ ٹی ورندی جلہو آتیٹی داتم اسکان جم وڑاٹ 9 ہزار 770 فلسطینی شہید مسنو۔
