اسلام آباد۔6نومبر (اے پی پی):آل پاکستان چائنیز انٹرپرائزز ایسوسیشن ءُ پاکستان۔چائنا انسٹیٹیوٹ ءِ شریکداری ءَ چہ ’’پپس‘‘ ءَ سی پیک ءِ 10 دھمی سال سرجم بوھگ ءِ پد ءَ “Thousand of Miles with CPEC” ءِ بن گپ ءَ رپوٹ ءِ جاڑی کنگ ءِ درگت ءَ مراگش ءِ بست ءُ بند کنگ بوت۔ مراگش ءَ سینیٹر مشاہد حسین سید، ادارکی وزیر ءِ اھوالکاری مرتضٰی سولنگی، چینی سفیر یانگ زیڈونگ، پاکستان چائنا انسٹیٹیوٹ ءِ ایگزیکٹو ڈائریکٹر مصطفیٰ حیدر سید ءُ چیئرمین آل پاکستان چائنہ انٹر پرائزز ایسوسیشن ءِ چیئرمین یانگ ژیانڈو ءَ بھر زوری کت۔ سینیٹ سیکرٹریٹ ءِ رد ءَ اے موہ ءَ پاکستان – چائنا انسٹیٹیوٹ ءِ ایگزیکٹو ڈائریکٹر مصطفیٰ حیدر سیید ءَ چیئرمین سینیٹ محمد صادق سنجرانی ءِ کلوہ ءَ را ونت ءُ گوشداسرینت۔ آئیءَ گوشت کہ اے مراگش ءِ کامیاتی ءَ گوں بست ءُ بند آل پاکستان چائنیز انٹر پرائزز ایسوسی ایشن ءَ را مبارک بات پیش کناں۔ چینی سفیر ءِ ادا استی ءُ پاکستان ءُ چین ءِ نیام ءَ یکوئی ءَ را گیش گہتر جوڑ کنگ ءِ واستہ اے توامیں کوشست آناں ساڑات۔
