اسلام آباد۔5نومبر (اے پی پی): ادارکی بنجاھی وزیر اھوالکاری ءُ شنگ کاری مرتضیٰ ولنگی ءَ انڈیپنڈنٹ اردو انتظامیہ ءُ اسٹاف ءَ را انڈیپنڈنٹ اردو ءِ پنچمی سالروچ ءِ ھوالگ ءَ مبارک بات پیش کنان ءَ گوشتگ کہ انڈیپنڈنٹ اردو ءَ پاکستان ءَ ڈیجیٹل اردو اھوالکاری ءَ دیمروئی دات۔انڈیپنڈنٹ اردو ءِ پنچمی سالروچ ءِ موہ ءَ برجم داشتگیں مراگش ءَ گوں گشتانک دیان ءَ ادارکی بنجاھی وزیر اھوالکاری ءَ گوشتگ کہ حکومت آزاتی ءَ گوں اھوالکاری ءُ آزاتی ءَ گوں وتی لیکہ ءِ درشان ءِ ھوالگ ءَ دل یکیمی دار ائیت۔ آئی ءَ گوشت کہ انڈیپنڈنٹ اردو ءَ وتی پنچ سالی سفر ءَ دیمروئی ءِ گام آناں جتگ ءُ پاکستان ءَ ٹیجیٹل اردو اھوالکاری ءَ را دیمروئی داتگ۔ آئی ءَ گوشتگ کہ انڈیپنڈنٹ اردو وتی وانوک ءُ زانوگر آناں جتائیں نکان پیش کنگ ءَ انت۔ ادارکی بنجاھی وزیر اھوالکاری ءَ انڈیپنڈنٹ اردو ءِ واستہ نیکیں واھشت آنی درشان کت۔
