اسلام آباد۔5نومبر (اے پی پی):اسپیکر قومی اسمبلی راجہ پرویز اشرف ءَ غزہ ءِ سر ءَ ایٹمی وتاس آنی کارمرز کنگ ءِ ھوالگ ءَ اسرائیلی وزیر ءِ بیان ءَ را سک باز مذمت کتگ۔ یک شمبے ءِ روچ ءَ وتی بیان ءَ آئی ءَ گوشت کہ کودکیں فلسینی آنی سر ءَ ایٹمی وتاس آنی کارمرز کنگ ءِ دھمکی جنگ ءِ تہ ءَ آئی گنوکی ءِ سہرائیں درور ات، اسرائیل وتی طاقت ءِ نشہ ءَ غزہ ءِ سر ءَ کور ءُ کائی بمباری کنگ ءَ انت، ما ایشی ءِ مذمت ءَ کناں۔ آئی ءَ گوشت مئے ملک ءُ راج کودکیں فلسطین ءِ کمک ءَ ھمک ساھت تیار آں۔
