اسلام آباد۔5نومبر (اے پی پی):ادارکی بنجاھی وزیر جان سلامتی ڈاکٹر ندیم جان ءَ گوشتگ کہ غزہ ءَ ہسپتال ءُ ہیلتھ کیئر ورکز آنی سر ءَ ارش لائک ءِ اپسوزی انت۔ یک شمبے ءِ روچ ءَ وتی یک بیان ءِ توک ءَ ادارکی بنجاھی وزیر ءَ گوشتگ کہ اے وڑیں توامیں ارش آناں زوت گر ءُ دار کنگ بہ بنت۔ آئی ءَ گوشتگ کہ ہیلتھ ورکرز آناں ٹپیگ آنی کرا تاں پجگ بہ بیت۔ ادارکی بنجاھی وزیر ءَ گوشتگ کہ علاج ءِ آسراتی پجاری کنگ ءَ کمک کنگ بہ بیت۔ ڈاکٹر ندیم جان ءَ گوشتگ کہ ما پھماں کہ سرجمیں دگنیا ءَ جان سلامتی مدام سیاسی ءُ گیر سیاسی کار آں چہ برزتر بنت۔ آئی ءَ گوشت کہ بازیں میاں اوستمانی فورمز آنی تر ءُ تاب کتگ ءُ ورلڈ ہیلتھ آرگنائزیشن ءِ پلیٹ فارم ھم سہرا کتگ کہ جان سلامتی ءَ را سیاست ءَ چہ برزتر لیکگ بہ بیت۔
