اسلام آباد۔ 03 نومبر (اے پی پی) الیکشن کمیشن آف پاکستان نا کنڈآن کروک آ تقرری تا بابت قائمہ کمیٹی پارلیمانی امور نا رپورٹ ءِ سینیٹ اٹی پیش کننگا۔ جمعہ نادے آ سینیٹ نا دیوان اٹی سینیٹر کامران مرتضیٰ جولائی 2020آن الیکشن کمیشن آف پاکستان نا کنڈآن کروک آ تقرری بمعہ صوبہ وار تفصیل، ہندا وخت اٹی ای سی پی نا کنٹریکٹ ملازم آتا جوان وضاحت نا صوبہ وار سرجم آتون و کنٹریکٹ نا شڑک و ضابطہ و الیکشن کمیشن آف پاکستان نا کنڈآن ملازم آتے تروک آ تنخواہ و آسودہی تا بابت قائمہ کمیٹی پارلیمانی امور نا رپورٹ ءِ پیش کرے۔
