کوئٹہ۔ 03 نومبر (اے پی پی) کوئٹہ ٹی ہم سد آ درملکی پردیسی تے درست کرسا حاجی کیمپ آ گدریفنگا ہراڑے نادرا نا کمک اٹ اوفتا رجسٹریشن نا بناءِ کننگانے۔ سرجم حوال آتا رداٹ کوئٹہ ٹی ہم بلوچستان پولیس نا کوئٹہ نا چندی علاقہ کچلاک، سمنگلی ، نواں کلی، ہنہ اوڑک، خروٹ آباد، غوث آباد، بائی پاس و ایلوفتے ٹی کریک ڈاؤن اٹی سد آ درملکی پردیسی تے حاجی کیمپ آ گدریفنگا ہراڑے اوفتا نادرا نا کمک اٹ رجسٹریشن نا بناءِ کننگانے۔ محکمہ داخلہ نا رداٹ غیرکانودی پردیسی تے اینو پنچ شنبے آ اوغانستان آ روانہ کننگک، باہوٹ آتیٹی چنکو بھلو، زالبول، چنا، پیرو ورنااوار ءُ۔
