واشنگٹن۔ 02 نومبر (اے پی پی) امریکی وزیرخارجہ انٹونی بلنکن و دفاع لائیڈ آسٹن تون سعودی وزیر دفاع شہزادہ خالد بن سلمان اوڑدہی کرے۔ سعودی خبررساں ادارہ نا رداٹ  واشنگٹن اٹی وزارت خارجہ نا ہیڈ کوارٹر اٹی وزیرخارجہ تون سعودی وزیر دفاع نا اوڑدہی ٹی ہڑتوم آ راہشونک سعودی عرب و امریکہ نا نیام اٹ خڑکی سٹریٹجک تعلقداری و اوفتے سوگو کننگ نا وڑوڈول آتا جاچ ءِ ہلنگ و غزہ ٹی برجااسرائیل ، حماس جھیڑہ نا نیام اٹ  دے ٹک نیامی ٹی بے چیٹی ءِ کم کننگ نا کوشست آتیا گپ وتران کریر۔ ہڑتوم آ راہشونک ہڑتوم آ ملک آتا نیام اٹ  کمکاری نا دا پلو آتیا ہم گپ وتران کریر ہرا علاقائی و جہانی سلامتی و سوگوی نا مخ تفی نا اسیجائی وژن نا دوئی کننگ اٹ کمکار ءُ۔ داکان مست سعودی وزیر دفاع  شہزادہ خالد بن سلمان واشنگٹن اٹی امریکی ہم منصب لائیڈ آسٹن تون ہم اوڑدہی کرے ہراٹی سعودی امریکی تاریخی سنگتی نا تعلقداری تا جاچ ءِ ہلکر۔ اوڑدہی ٹی دفاعی بشخ اٹی ہڑتوم آملک آتا نیام اٹ سٹریٹجک  شریداری آ زور شاغنگا۔

متعلقہ مضامینمصنف کی طرف سے مزید