راولپنڈی۔ 02 نومبر (اے پی پی) اینٹی نارکوٹکس فورس (اے این ایف) منشیات اسمگلنگ نا برخلاف برجاکریک ڈاؤن اٹی 8 کارروائی تیٹی 30 کلوگرام منشیات دوئی کرسا 4 دوبہ دار ءِ دزگیرکرے۔ اے این ایف ترجمان نا رداٹ سیالکوٹ اٹی واقع کوریئر آفس اٹی برطانیہ کن بک کروک آ پارسل آن 970 گرام ہیرون دوئی کننگا۔ باچاخان انٹرنیشنل بالی پٹ آ 2 مسافرآتا پڈ آن 145 ہیرون و چرس آن پُرکیپسول دوئی کننگا۔ خیبرنا ہنکینی 2 دوبہ دار جہاز نمبر QR-601نا کمک اٹ دوحہ کن روانہ مسکہ۔ یونیورسٹی روڈ پشاور آ چنیوٹ نا ہنکینی 2 دوبہ دار آتیان ہیرون آن پُر کیپسو ل دوئی کننگا۔ کیپسول آتا جم وزن 700 گرام ءِ۔ چنیوٹ نا ہنکینی دوبہ دار آک ہیرون آتے پشاور آن پنجاب آ اسمگل کریرہ۔ یونیورسٹی روڈ پشاور آ موٹرسائیکل آن 2 کلو 400 گرام چرس دوئی کننگا۔ رنگ روڈ پشاور اٹ واقع کوریئر آفس اٹ پارسل اسے آن 300 گرام چرس و 100 گرام بھنگ دوئی کننگا۔ ہندا پارسل پشاور آن خانیوال آ گدریفوئی ئسک۔ زخہ خیل خیبرنا غیرآباد علاقہ غان 10 کلو چرس و 4 کلوگرام آئس دوئی کننگا۔ پنجگور نا علاقہ ٹی اسمگلنگ کن اودیم کروک 10 کلوچرس و 2 کلوہیرون دوئی کننگا۔ ترجمان پارے کہ غٹ مقدمہ غاتے انسدادِ منشیات ایکٹ نار داٹ درج کرسا مستی جاست وپاست نا بنا ءِ کننگانے۔
