اسلام آباد۔ 02 نومبر (اے پی پی) نگراں بنجائی وزیر خزانہ و محصولات ڈاکٹر شمشاد اختر تون جہانی بینک انا پندار ایگزیکٹیو ڈائریکٹر ڈاکٹر توقیر حسین شاہ پنچ شنبے نادے آ داڑے اوڑدہی کرے۔ داوخت آ وزیر نجکاری، وزیر توانائی، چیئرمین ایس ای سی پی، وزارت خزانہ و وزارت اقتصادی امور نا سیکرٹریز و پاکستان اٹ جہانی بینک انا کنٹری ڈائریکٹر ئسک ہم ساڑی ئسر۔ نگراں بنجائی وزیر خزانہ السی خذمت کن ڈاکٹر توقیر حسین شاہ نا کڑد انا ستاء ءِ کرے و اومیت ظاہر کرے کہ او پاکستان و جہانی بینک انا نیام اٹ سوگو تعلقداری و رابطہ کاری کن تینا آزموندہ غاتے کاریم اٹ اتیک۔ ڈاکٹر توقیر شاہ راہشونی و کمکاری آ وزیرخزانہ نا منت واری ءِ ہرفے وپارےکہ او پاکستان و جہانی بینک انا نیام اٹ کمکاری نا مون آ دننگ کن تینا توانائی تے کاریم اٹ اتیرہ۔
