اسلام آباد۔ 02 نومبر (اے پی پی) اسپیکر قومی اسمبلی راجہ پرویز اشرف تون پنچ نادے آ لندن نا علاقہ ہونسلو نا میئر افضال کیانی اوڑدہی کرے۔ اسپیکر قومی اسمبلی کونسلر افضال کیانی ءِ لندن نا علاقہ ہونسلو نا بے مقابلہ غان میئر گچین مننگ آ مبارکبادی تس و پارے کہ اوورسیز پاکستانی مکل انا بھاز بھلوسرمایہ سے ءُ۔ ملک انا زرگزران اٹ اوورسیز پاکستانی تا اہم کڑد اسے۔ پیپلزپارٹی و چیئرمین بلاول بھٹو مدام اوورسیز پاکستانی تا نمائندگی ءِ کرینے۔ اوورسیز پاکستانی ملک انا گچین دروشم ءِ تالان کننگ اٹ پبی کڑد ادا کیر۔ افضال کیانی پارے کہ جم وجوش اٹ بیابخیری آ اسپیکر قومی اسمبلی نا منت واری ءِ ہرفیوہ۔ برطانیہ نا سیاست اٹ پاکستانی کمیونٹی نا کڑد بے کچ اہم ءِ۔ اوورسیز پاکستانی ہربشخ اٹی ملک اناخذمت کن ہروخت تیار ءُ۔
