راج انا شونداری ٹی استاد آتا کڑد ءِ است آن دننگ مفک،نگران وزیراعظم انوارالحق کاکڑ

اسلام آباد۔ 02 نومبر (اے پی پی) نگران وزیراعظم انوارالحق کاکڑ پارینے کہ راج انا شونداری ٹی استاد آتا کڑد ءِ است آن دننگ مفک ، ورناتا لائخی تیٹی گچینی ہمووخت آ بننگ کیک ہراتم آزموندہ کار استاد آک اوفتا سرپرستی ءِ کیرہ۔ داخیال آتا درشانی ءِ او پنچ شنبےنادے آ داڑے تینا استاد نثار احمد تون گپ وتران کرسا کرے۔ وزیراعظم اودے جم وجوش اٹ بخیرکرے۔ داوخت آ وزیراعظم گپ وتران کرسا پارےکہ ہرراج انا شونداری ٹی استاد آتا کڑد ءِ ناقابل فراموش مریک وخت اس کہ ننا ملک انا ورنا تا لائخی تیٹی  گچینی ہمووخت آ بننگ کیک ہراتم آزموندہ کار استاد آک اوفتا سرپرستی ءِ کیرہ۔ اوپارے کہ تعلیم تون اوار اوار ورناتیٹی نظم و ضبط نا تربیت اوفتا کڑد سازی ٹی بنداوی اہمیت تخک، قائد اعظم ہم ایمان و سیوت تون اوار اوار نظم و ضبط نا تلقین کریسس انتئے  کہ بیرہ اسہ منظم قوم اس  تینا و دنیا نا شونداری ٹی تیناکڑد ءِ ادا کننگ کیک۔