اسلام آباد۔ 01 نومبر (اے پی پی) نگراں وزیراعظم انوارالحق کاکڑ غزہ ٹی شاری تا برخلاف ودوک آ اسرائیلی بربریت و جارحیت نا ترندی اٹ مذمت ءِ کرسا پارینے کہ داوڑنا قابل مذمت کارروائی تے وخت اس ہم معاف یا فراموش کننگ مفک، فلسطینی الس نا کشت و خون ءِ بند کرفنگ کن دنیا داسہ عملی گام گیج کے۔ چارشنبے نادے آ تینا ٹویٹ اٹی وزیراعظم پارے کہ تدوک آ دے جبالیہ کیمپ آ فضائی جلہو غزہ ٹی برجا اسرائیلی بربریت و جنگی ڈوہ تا پیدوار درور ءِ ہراڑے زالبول و چناتتون اوار سد آ بندغ آک زوال کرینو اوپارے کہ داوڑنا قابل مذمت کارروائی تے وخت اس ہم معاف یا فراموش کننگ مفک، دا کشت وخون ءِ بند کرفنگ کن دنیا داسہ بایدے عمل کے۔
