تدوک آ تاریخ آتیان گیس انا نہاد آتا نافذالعمل مننگ نا خبرآتیٹی ہچ ءُ راستی اس اف، ترجمان وزارت پیٹرولیم

اسلام آباد۔ 01 نومبر (اے پی پی) وزارت پیٹرولیم نا ترجمان پارینے کہ پوسکن آ گیس نہاد آتا اطلاق یکم نومبر چارشنبے آن مسنے، تدوک آ تاریخ آتیان گیس انا نہاد آتا نافذ العمل مننگ نا خبرآتیٹی ہچ ءُ راستکی اس اف۔ چارشنبے نادے آ تینا بیان اٹی وزارت نا ترجمان پارے کہ گیس انا نہاد آتیٹی مروک آ ردوبدل نا نافذ العمل مننگ نا بابت میڈیا ٹی شینک مروک آ خبر آک راستکی آ تالان افس، و اوفتے ٹی ہچ ءُ راستکی اس اف کہ نہاد آتا اطلاق تدوک آ تاریخ آتیان مننگ ءِ۔ داوڑنا خبرآک گمراہ کن ءُ ۔ ترجمان پارے کہ گیس انا پوسکن آ نہاد آتا اطلاق یکم نومبر آن مسنے۔