اسلام آباد۔ 01 نومبر (اے پی پی) نگراں بنجائی وزیر حوالکاری و شینکاری مرتضیٰ سولنگی سپریم کورٹ بار ایسوسی ایشن نا سالانہ گچین کاری تیٹی پوسکن گچین مروک آ عہدیدار آتے مبارکبادی ترسا پارینے کہ وکیل آک جمہوریت، انسانی حق و آئین نا محافظ ءُ، کانود نا حکمرانی ، آئین نا بالادستی و جمہوری روایت آتا مون آ دننگ اٹ وکیل آتا روشنا کڑد تاریخ نا بشخ اسے۔ چارشنبے نادے آ تینا تہنیتی کلہو اٹی نگراں بنجائی وزیر حوالکاری سپریم کورٹ بار ایسوسی ایشن نا پوسکن آ گچین مروک آ صدر شہزاد شوکت، سیکرٹری علی عمران سید تون اوار ایلو عہدیدار آتے مبارکبادی تس۔ اوپارے کہ انصاف آن بیدس شون ہلوک آ راج انا ٹہیفنگ ممکن اف۔ اوپارے کہ وکیل آک بار و بنچ انا نیام اٹ پول انا کڑد ءِ ادا کیرہ۔ پوسکن گچین مروک آ عہدیدار آک آئین نا بالادستی و کانود نا حکمرانی کن تینا اہم کڑد ءِ ادا کرسا کیرہ۔ اواومیت ظاہر کرے کہ سپریم کورٹ بار انا فاتح پینل وکلابرادری نا ویل آتا ایسری تون اوار اہم عدالتی باندات آتیٹی مثبت و گچین ءُ کڑد اس ادا کیک۔
