اسلام آباد۔ 01 نومبر (اے پی پی) وزات داخلہ پیدوار کرینے کہ اوغان پی او آر و اے سی سی کارڈ ہولڈر آتے ڈی پورٹ کننگپک، ویزہ معیار چٹوک آتے ہم دُوارہ تینا ملک آ ہنسا پوسکن ءُ ویزہ اس دوئی کرسا بروئی مریک۔ ترجمان وزارت داخلہ اوغان پناہ گزین تا وطن آ پدی ہِننگ نا بابت تینا ویب سائٹ آ اَرفوک آ چندی سوج آتا ورندی ٹی پیدوار کرینے کہ اگہ اوغان اس پی او آر کارڈ ہولڈر ءِ و تینا کارڈ انا پوسکنی ءِ کرفینے تو اودے ملک بدر کننگپک۔ رجسٹرڈ پی او آر کارڈ ہولڈر آتا غیر رجسٹرڈ خاہوت نا باسک ، ہرافتے تون ایف آر سی ارے، ءِ ملک بدر کننگپک۔ اوغان سٹیزن کارڈ (اے سی سی ) ہولڈر ءِ ہم ملک بدر کننگپک، اسہ سوج اس کہ ویزہ غا پاکستان نا سفر ءِ کننگ آن پد ویزہ نا میعاد چٹانے، اگہ ای فیس و جرمانہ ءِ ایتیوہ، تو انت کنے رہینگ انگ نا موکل تننگک؟ نا ورندی ٹی وزارت داخلہ پارے کہ اگہ نیتون درست ءُ ویزہ اس اف ، یا نے ویزہ نا ودفنگ آن انکار کننگانے یا نے شش تُو آن زیات وخت آن تینا ویزہ ٹی ودکی نا بارواٹی ہچ ءُ ورندی اس ملتنے تو ملک اٹی نما رہینگ انگ غیر کانودی ءِ و کمامدارآک نما برخلاف کارروائی کننگ کیرہ۔
