اسلام آباد۔ 31 اکتوبر (اے پی پی_ اقتصاد ی رابطہ کمیٹی گیس انا نہاد آتیٹی یکم نومبر 2023 آن ودکی نا منظوری ءِ تسنے۔ سے شنبے نادے آ بنجائی وزیر خزانہ ، محصولات و اقتصادی امور ڈاکٹر شمشاد اختر نا کماشی ٹی کابینہ نا اقتصادی رابطہ کمیٹی (ای سی سی ) نا دیوان اس اڈہلک۔ دیوان اٹی وزیر نجکاری فواد حسن فواد، وزیر ڈٹ بندی، شونداری و خصوصی گام گیج سمیع سعید، وزیر بجلی و پیٹرولیم محمد علی، بنجائی سیکرٹریز و ایلو بڑزکو سرکاری آفیسر آک بشخ ہلکر۔ تعلقدار وزارت آک دیوان اٹی وزارت توانائی و پیٹرولیم نا کنڈآن پیش کروک سنگل آئٹم ایجنڈاغا سجفنگا ۔ وزارت توانائی (پیٹرولیم ڈویژن) نا کنڈآن چندی کیٹیگری تیکن قدرتی گیس انا بہانا نہاد آتیا نظرثانی نا بابت پیش کروک سمری مالی سال 2023-24آ دُوارہ سجفنگا۔ ای سی سی سرجم شرہ و سجفنگ آن پد گیس انا نہاد آتیٹی یکم نومبر 2023 آن ودکی نا منظوری ءِ تسنے۔ ای سی سی داکان مست 23 اکتوبر 2023 آ پیٹرولیم ڈویژن نا کنڈآن جمع کرفوک آ سمری آ سجفے و قدرتی گیس انا نہاد آتیٹی ودکی نا منظوری ءِتس۔ بنجائی کابینہ 30 تاریخ آ تینا دیوان اٹی دا سمری ءِ نظرثانی کن دُوارہ ای سی سی آ گدریفیسس۔ ای سی سی خصوصی دیوان اٹی قدرتی گیس انا نہاد آتیٹی ترمیم نا منظوری ءِ تس۔
