اسلام آباد۔ 31 اکتوبر (اے پی پی) فیڈرل بورڈ آف ریونیو(ایف بی آر) نا محاصل اٹی برجا مالی سال نااولیکو سہ ماہی ٹی سالانہ بنداو آ 25 درسد نمو ریکارڈ کننگانے۔ ایف بی آر نا حساب وکتاب نا رداٹ مالی سال نا اولیکو سہ ماہی ٹی 2042 ارب روپئی نا محاصل موصول مس ہرا تدوک آ مالی سال انا ہندا مد انا مقابلہ ٹی 25 درسد زیات ءُ، تدوک آ مالی سال انا ہندا مد اٹی ایف بی آر ءِ 1634 ارب روپئی نا محاصل موصول مسوسس۔ اولیکو سہ ماہی ٹی براہ راست خراج آتا مد اٹی ایف بی آر ءِ 935 ارب روپئی موصول مس ہرا تدوک آ مالی سال انا ہندا مد انا مقابلہ ٹی 37 درسد زیات ءُ، تدوک آ مالی سال انا ہندا مد اٹی براہ راست خراج آتا مد اٹی ایف بی آر ءِ 683 ارب روپءی موصول مسوسس۔ بلاواسطہ خراج آتا مد اٹی ایف بی آر ءِ مالی سال نا اولیکو سہ ماہی ٹی 1107 ارب روپئی موصول مس ہرا تدوک آ مالی سال انا ہندا مد انا مقابلہ ٹی 16 درسدزیات ءُ، تدوک آ مالی سال نا اولیکو سہ ماہی ٹی بلاواسطہ خراج آتا مد اٹی ایف بی آر ءِ 951 ارب روپئی موصول مسوسس۔ نان ٹیکس ریونیو نا مد اٹی ایف بی آر ءِ اولیکو سہ ماہی ٹی 469 ارب روپئی موصول مس ہرا تدوک آ مالی سال انا ہند امد انا مقابلہ ٹی 100 درسد زیات ءُ، تدوک آ مالی سال انا اولیکو سہ ماہی ٹی نان خراج ریونیو نا مد اٹی ایف بی آر ءِ 235 ارب روپئی موصول مسوسس۔
