غیرکانودی رہینگوک درملکی پردیسی تا کشنگ نا مہلت نا اینو آخیریکو دے، پلان ءِ گڈیکو دروشم اس تننگانے، آئی جی پنجاب

لاہور۔ 31اکتوبر (اے پی پی) آئی جی پنجاب ڈاکٹر عثمان انور پارینے کہ غیرکانودی رہینگوک پردیسی تا کشنگ نا مہلت نا اینو آخیریکو دے ءِ، صوبہ ٹی غیرکانودی وڑاٹ رہینگوک درملکی تا کشنگ نا پلان ءِ گڈیکو دروشم اس تننگانے، ادارہ غاتون پورو رابطہ ٹی اُن۔ حکومتی فیصلہ غا من وعن عمل کرفنہ۔ داخیال آتا درشانی ءِ او سے شنبے نادے آ تینا کماشی ٹی آر پی اوز و ڈی پی او تا دیوان اٹی کرے۔ ترجمان نا رداٹ سینٹرل پولیس  آفس لاہور اٹی مروک آ دا دیوان اٹی ایڈیشنل آئی جی انویسٹی گیشن محمد ادریس احمد، ڈی آئی جی  آپریشنز وقاص نذیر، اے آئی جی ایڈمن عمارہ اطہر، سینئر پولیس آفیسر آک بشخ ہلکر۔ صوبہ ناغٹ آرپی او، سی پی او و ڈی پی اوک ہم بذریعہ ویڈیولنک دیوان اٹی بشخ ہلکر۔