اسلام آباد۔ 31 اکتوبر (اے پی پی) برجامالی سال انا اولیکو سہ ماہی ٹی امریکہ، چین و برطانیہ پاکستانی مصنوعات آتا برآمد آتا بابت سرفہرست ملک رہینگانو۔ اسٹیٹ بینک نا کنڈآن جاری کروک حساب وکتاب نا رداٹ مالی سال انا اولیکو سہ ماہی ٹی امریکہ ءِ پاکستانی برآمد آتا کچ 1.376 ارب ڈالر ریکارڈ کننگا ہراتدوک آمالی سال انا ہند امد انا مقابلہ ٹی 17.04 درسد کم ءُ۔ تدوک آ مالی سال انا اولیکو سہ ماہی ٹی امریکہ ءِ پاکستانی مصنوعات آتا برآمد آتا کچ 1.658 ارب ڈالر ریکارڈ کننگاسس۔ پاکستانی برآمد آتا بابت چین ارٹ میکو برآمدی ہند ئس ہرادےمالی سال انا اولیکو سہ ماہی ٹی 633.37 ملین ڈالر نا برآمد ریکارڈ کننگا۔ تدوک آ مالی سال نا مقابلہ ٹی برجامالی سال انا اولیکو سہ ماہی ٹی چین ءِ پاکستانی برآمد آتیٹی سالانہ بنداو تیا 26.42 درسد نا نمو ریکارڈ کننگانے۔ مالی سال انا اولیکو سہ ماہی ٹی برطانیہ ءِ 518.94 ملین ڈالر نا برآمد ریکارڈ کننگا ہرا تدوک آ مالی سال انا ہندا مد اٹی 519.94 ملین ڈالر ئسر۔ حساب وکتاب نار داٹ مالی سال انا اولیکو سہ ماہی ٹی یواے ای ءِ 472.166 ملین ڈالر و جرمنی ءِ 364.44 ملین ڈالر نا برآمدات مس۔ ہندا وڑ ہالینڈ ءِ 382.24 ملین ڈالر و اٹلی ءِ 299.15 ملین ڈالر نا برآمد ریکارڈ کننگا۔ سپین ءِ مالی سال انا اولیکو سہ ماہی ٹی 363.93 ملین ڈالر وخت اس کہ اوغانستان ءِ 128.53 ملین ڈالر نابرآمد ریکارڈ کننگا۔
