اسلام آباد۔ 31 اکتوبر (اے پی پی) چیئرمین سینیٹ محمد صادق سنجرانی بلوچستان نا ضلع تربت نا علاقہ ناصر آباد اٹی سلہہ بند بندغ آتا جلہو اٹی پنچ بندغ نا خون آ ڈکھیائی و است ہسونی نا درشانی ءِ کرینے۔ سے شنبے نادے آ سینیٹ سیکرٹریٹ آن جاری بیان نارداٹ او زوال کروک آ بندغ آتا خاہوت آتون ہڑزخواہی نا درشانی ءِ کرسا اوفتے کن صبر وجمیل نا دعاکرے۔ چیئرمین سینیٹ کانود نافذ کروک آ ادارہ غاتے کودک شاری و پولیس کارندہ غاتا خون اٹی اوار شدت پسند آتے دمدستی دزگیر کرسا اوفتے اوفتا کروک نا سزا تننگ نا پارت کرے۔ اوپارےکہ دا گام بلوچستان اٹی امن نا فضاءِ لتاڑنگ نا ناپاک سازش نا بشخ اسے۔ پاکستان اٹ امن کن کانود نافذ کروک آ ادارہ غاتون ہم کوپہ سلوک اُن۔
