نگران وزیرداخلہ نا تربت اٹی پولیس اسٹیشن آ دہشت گرد آتا جلہو نا مذمت، مزور ، پولیس کارندہ نا شہیدی آ است ہسونی نا درشان

اسلام آباد۔ 31 اکتوبر (اے پی پی) نگران بنجائی وزیر داخلہ سرفراز بگٹی تربت اٹی دہشت گرد آتا جلہو نا ترند انگا لوز آتیٹی مذمت ءِ کرینے و مزور و پولیس کارندہ نا شہیدی آ است ہسونی نا درشانی ءِ کرینے۔ سے شنبے نادے آ وزیرداخلہ سرفراز احمد بگٹی تینا بیان اٹی پارے کہ اللہ تعالیٰ ننا شہید آتا درجہ غاتے بڑز کے و اوفتا خاہوت ءِ صبر وجمیل عطاکے۔ اوپارے کہ دہشت گرد آک اسہ وار ولدا کودک مزور آتے شست کریر، دہشت گرد آتا لغوری کارروائی امن و شونہالی ءِ لتاڑنگ کپک۔ دہشت گردی  نا مہالو ہم مقابلہ ءِ کرین، داسہ ہم پورو واک اتون اودے چٹفنہ۔ اوپارے کہ ارض پاک آ  ساڑی اسہ اسہ دہشت گرد و ملک دشمن ءِ چٹفنہ۔ دہشت گردی نا پورو چٹفنگ کن مچ آ قوم اسٹ ءِ۔