کوئٹہ۔ 30 اکتوبر (اے پی پی): ادارکی سر وزیر بلوچستان میر علی مردان ڈومکی ءَ گوشتگ کہ بلوچستان جیوپولٹیکل ارزشت اچ کس ءِ نگاہ آں چہ چیر نہ انت، کدرستی آسراتی ءَ چہ مالا مال سر زمین بلوچستان ءَ انوگ ءَ تاں کساس 40 ءِ نزیک ءَ قیمتی زیر زمین معدنیات ءِ امبار درگیجگ بوتگ انت، کچ ءُ کساس آنی رد ءَ آسراتی آیوکیں 50 ءَ بگر تاں 100 سال ءَ تاں ملکی ضلورت آناں سرجم کنگ ءِ واستہ بس انت۔ کدرتی آسراتی آنی شوبگ آں چہ سرمایہکاری آں چہ معاشی موہ ءُ ھندی آباتی آنی واستہ روزگار ءِ رسانک پیداک بوت کن انت۔ ھمے واستہ حکومت ءِ منرلز اینڈ مائنز ءِ شوبگ ءَ سرمایہ کاری ءِ واستہ ٹوھیں منصوبگ بندی ءُ جوانیں پا لیشی جوڑ کتگ۔ اے ھیالانی درشانی آئی ءَ دو شمبے ءَ ادا نیشنل سیکورٹی ورکشاپ ءِ شریکیں مردم آں گوں گشتانک ءِ ساھت ءَ کت انت۔
