اسلام آباد۔ 30 اکتوبر (اے پی پی) صدر آزاد جموں وکشمیر بیرسٹر سلطان محمو د چوہدری پارینے کہ آزاد کشمیر اٹی اقوام متحدہ نا کنڈآن بھاز انگا پروجیکٹ آتیاکاریم برجاءِ وخت اس کہ اقوام متحدہ نا ادارہ فنڈ آبادی(یواین ایف پی اے) آزاد کشمیر اٹی بہبو د آبادی، خاص وڑاٹ جان جوڑی و ایلو بشخ آتیٹی برجاڈٹ جاٹ و آخبت نا پروجیکٹ آتیکن کمکار جوڑ مننگ کیک۔ داخیال آتا درشانی ءِ او دوشنبے نادے آ داڑے ایوان صدر کشمیر ہاؤس اسلام آباد اٹی اقوام متحدہ نا ادارہ فنڈ آبادی نا پاکستان اٹ کنٹری ڈائریکٹر ڈاکٹر لوئے شبانے تون سرجمی اٹ اوڑدہی ٹی کرے۔ داوخت آ اقوام متحدہ نا ادارہ فنڈ آبادی نا پاکستان اٹ کنٹری ڈائریکٹر ڈاکٹر لوئے شبانے صدر آزاد کشمیر بیرسٹر سلطان محمود چوہدری ءِ اقوام متحدہ نا ذیلی ادارہ فنڈ آبادی نا گرج و مسخت و اونا رداٹ آزاد کشمیر اٹی برجاپروجیکٹ و سلاہ ئی ڈٹ آتیا سرجم حوال تس۔ داوخت آ صدر بیرسٹر سلطان محمود چوہدری ڈاکٹر لوئے شبانے ءِ پارے کہ او آزاد کشمیر اٹی اقوام متحدہ نا ادارہ فنڈ آبادی نا ردٹ برجاپروجیکٹ آتے اولیتی بنداو تیا زوت پورو کے و پوسکن آ ڈٹ آتیکن پیش رفت نا بناءِ کننگے۔ داوخت آ ڈاکٹر لوئے شبانے بیرسٹر سلطان محمود چوہدری ءِ تینا سلاہ ئی دورہ ءِ مظفرآباد نا سرجم آتیان ہم معلومدار کرے۔
