اسپیکر قومی اسمبلی نا بلوچستان نا علاقہ کھوڑوٹی دہشت گرد آتا برخلاف سرسہب آپریشن آ سیکورٹی فورس آتے خراج تحسین

اسلام آباد۔ 30 اکتوبر (اے پی پی) اسپیکر قومی اسمبلی راجہ پرویز اشرف بلوچستان نا علاقہ کھوڑوٹی دہشت گرد آتا برخلاف سرسہب آپریشن آ سیکورٹی فورس آتے خراج تحسین پیش کرینے۔ دوشنبے نادے آ تینا بیان اٹی اودہشت گرد آتا نرزوری اٹ مقابلہ ءِ کرسا شہیدی نا رتبہ غا فائز مروک آ نائب صوبیدار آصف عرفان و سپاہی عرفان علی ءِ خراج عقیدت پیش کرے و شہید آتا خاہوت تون ہمدردی نا درشانی ءِ کرے و شہید آتا درجہ غاتا بڑزی کن دعا کرے ، اوپارے کہ دہشت گردی نا برخلاف جنگ اٹ مچ آ قوم سیکورٹی فورس آتون ہم کوپہ سلوک ءِ ۔ سیکورٹی فورس آک دہشت گردآتون سختی اٹ مون تننگ نا پورو لائخی تخرہ۔ او پارے کہ انشاء اللہ اسیجائی کوشست آتے اٹ زوت دہشت گردی نا ناسور ءِ چٹفنہ۔