سبی  ہرنائی نا نیام اٹ سڑک نا مفننگ اٹ ریلوائی نا بحالی مسافر آتیکن اہم ءُ کڑد اس ادا کیک، میر علی مردان خان ڈومکی

کوئٹہ۔ 29 اکتوبر (اے پی پی) نگران وزیراعلیٰ بلوچستان میر علی مردان خان ڈومکی و نگران بنجائی وزیر ریلوائی شاہد اشرف تارڑ نا بنا آن پد سبی آن ہرنائی ریلوائی ٹرین سروس 18 سال آن پد بحال مس۔ نگران وزیراعلیٰ بلوچستان سبی ہرنائی ریلوائی ٹرین نا بحالی نا دود آن تران کرسا پارے کہ الس نا است خواہی تا رداٹ بھلو وخت اسے آن بند سبی ، ہرنائی سیکشن ءِ اول سرآن ملنگ انگ ءِ۔ اوپارے کہ نگران حکومت ءِ دا شرف دوئی ءِ کہ اینو 18 سال آن پد نن اودے دُوارہ بحال کننگ اُن۔ اوپارے کہ ٹرین سروس نا بحالی آن نئے بیرہ مخلوق و گڑاتا رسد اٹ آسانی مریک بلکن روزگار نا وارخواہی ہم ودک۔ سبی ہرنائی نا نیام اٹ سڑک نا مفننگ اٹ ریلوائی نا بحالی مسافر آتیکن اہم ءُ کڑد اس ادا کیک وداسروس آن ناجوڑ آتے وخت آ بھلا شار تیا ہِننگ اٹ آسانی مریک، و ایمرجنسی ٹی درمان نا آسراتی دُوہم بننگ کیک۔ داسیکشن نا بحالی ٹی الس نا پبی کمک ئس داڑتون اوار اوار کانود نافذ کروک آ ادارہ غاک ریلوائی تون پبی وڑاٹ تفیر ٹریک نا بحالی آ ریلوائی منسٹر و ریلوائی آفیسر آتے مبارکبادی ایتیوہ۔ اوپارے کہ 25 دسمبر آ بولان میل وخت اس کہ ارٹ میکو ریسہ ٹی نواب اکبر خان بگٹی ایکسپریس ءِ بحال کننگک۔