اسلام آباد۔ 28اکتوبر (اے پی پی) الیکشن کمیشن الس نا آسراتی کن 27 اکتوبر 2023 آ حلقہ بندی تیا اعتراض آتا ٹائم ءِ ودفسا نن نا دُوانزدہ بجہ کریسس۔ ترجمان الیکشن کمیشن نا رداٹ کمیشن ءِ غٹ صوبہ و اسلام آباد کن ہرا اعتراض آتے جمع کرفنگانے۔ اوفتا سرجم حوال آتا رداٹ پنجاب اٹی 672، سندھ 228، خیبرپختونخوا 293، بلوچستان 124و اسلام آباد اٹی 7 اعتراض جمع مس۔ جم وڑاٹ 1324اعتراض جمع مس ہراڑا الیکشن کمیشن یکم نومبر 2023 آن سماعت نا بناءِ کیک۔ سماعت کن بنچ اس جوڑ کننگانے۔ یکم و 2 نومبر نا سماعت کن اعتراض کنندگان تے نوٹس ہم گدریفنگانے۔ غٹ اعتراض آتا سماعت آن پد 30 نومبر آ حلقہ بندی تا گڈیکو اشاعت ءِ کننگک۔
