اسپیکر قومی اسمبلی نا سویلی وزیرستان اٹی دہشت گرد آتا برخلاف سرسہب آپریشن آ سیکورٹی فورس آتا نرزوری ءِ خراج تحسین

اسلام آباد۔ 28 اکتوبر (اے پی پی) اسپیکر قومی اسمبلی راجہ پرویز اشرف سویلی وزیرستان اٹی دہشت گرد آتا برخلاف سرسہب آپریشن ا سیکورٹی فورس آتا نرزوری ءِ خراج تحسین پیش کرینے۔ ہفتہ نادے آ جاری بیان اٹی راجہ پرویز اشرف پارے کہ سویلی وزیرستان نا علاقہ سروکئی ٹی دیسی ساختہ بمب اسے نا ترخنگ آن شہید مروک آ ورناتیٹی بنارس خان و عبدالکریم نا جوزہ حب الوطنی ءِ خراج تحسین پیش کینہ۔ تینا ہڑزخواہی کلہو اٹی اودہشت گرد آتا ناپاک عزم ءِ بے سہب کننگ آ شہید ورناتا نرزوری نا ستاءِ کرے و دعاکرے کہ اللہ تعالیٰ شہید آتے جنت اٹ بڑزکو ہند اس و اوفتا پدسلوک آتے صبر وجمیل عطاکے۔ راجہ پرویز اشرف پارے کہ ملک دشمن زموار آک ملک اٹی بدامنی تالان کننگ خوارہ ، دہشت گردی نا برخلاف جنگ اٹی مچ آ قوم سیکورٹی فورس آتون ہم کوپہ سلوک ءِ۔