لاہور۔ 28 اکتوبر (اے پی پی) چیئرمین سینیٹ محمد صادق سنجرانی پی ٹی آئی نا پارلیمانی لیڈر سینیٹر علی ظفر نا باوہ پنی آ کانود دان و مسکوہی سینیٹر ایس ایم ظفر نا کزیت آ ہڑزخواہی کن لاہور اٹی واقع اونا ہنکین آ ہنا  و دعاپاتیاکرے۔ سینیٹ سیکرٹریٹ میڈیا ڈائریکٹوریٹ نا کنڈآن ہفتہ نادے آ جاری بیان نا رداٹ چیئرمین سینیٹ سینیٹر علی ظفرتون ہڑزخواہی کرسا ایماندار کن بخشش نا دعاکرے۔ چیئرمین سینیٹ زرس وخت سینیٹر علی ظفر تون گدریفے۔ چیئرمین سینیٹ پارے کہ ایس ایم ظفر بھلو کانود دان و بے کچ نفیس ءُ انسان اس ئس۔ ایس ایم ظفر نا کزیت پاکستانی سیاست و پارلیمنٹ نا نسخان ءِ۔ اونا مستی پاننگ ئس کہ خاہوت کن دا بھاز بھلو صدمہ اسے۔ اللہ تبارک و تعالیٰ اوفتے دا صدمہ ءِ سگنگ نا توفیق ایتے۔ داوخت آ سینیٹر محمد عبدالقادر ہم چیئرمین سینیٹ تون اوار ساڑی ئس۔

متعلقہ مضامینمصنف کی طرف سے مزید