اسلام آباد۔27اکتوبر (اے پی پی): ادارکی مزن وزیر انوارالحق کاکڑءَ گشتگ کہ بھارت ءِ غیر کانودی قبضہ کنگ ء ُ جموں و کشمیرءَ بھارتی غیر جمہوری ء ُ غیر کانودی گامگیج اقوام متحدہ ءِ سلامتی کونسل ءِ تپاکہ نامہ ء ُ چارمی جنیوا کنونشن ءِ تچک ءَ تچک حلاپ ورزی اَنت، بھارتی حکومت ءَ را 5 اگست 2019 ءِ یک نیمگی ء ُ غیر کانودی گامگیجاناں واتر زورگ لوٹ ایت، پاکستان کشمیری آنی وت واجہی ءِ حک ءِ گرگءِ جدوجہدءِ ھاترءَ وتی سرجمیں اخلاقی ، سفارتی ء ُ سیاسی ہمراہ دری ءَ برجاہ داریت۔ 27 اکتوبر 1947 ءَ بھارت ءِ غیر کانودی قبضہ ءِ سیاہیں روچءِ موہ ءَ سوشل میڈیا ایکس ءِ سرءَ وتی ٹویٹءِ تہا مزن وزیر وزیرءَ گشتگ کہ مرچی جموں کشمیرءِ مزنیں بہرءِ سرءَ بھارتءِ ناجائن قبضہ ءَ را 76 سال سرجم بوتگ۔ آئی ءَ گشتگ کہ گوستگیں 76 سالاں بھارتءَ جموں کشمیرءِ سرءَ زلم ء ُ ناحکی برجاہ داشتگ ء ُ آئی ءَ 5 اگست 2019 ءَ چہ یک پندلے بندات کتگ کہ آئی ءِ ردءَ کشمیری آناں آیانی وتی سرڈگارءِ سرءَ یک بے وسءُ واکیں کمیونٹی ءِ تہا مٹ کنگءِ کوشست کنگ بوہگءَ اِنت۔ آئی ءَ گشتگ کہ گوستگیں 76 سالاں ہزاراں بے گناہیں کشمیری، مرد، زالبول ء ُ زھگ بھارتی زلمء ُ ناحکی ءِ آماچ بوتگ اَنت۔ بھارتی حکومت ءَ را 5 اگست 2019 ءِ یک نیمگی ء ُ غیرکانودی گامیگجاناں واتر زورگ لوٹ ایت۔ بھارت ءَ را جموں و کشمیر ءَ انسانی حکانی حلاپ ورزی بند کنگ لوٹ ایتء ُ اقوام متحدہ ءِ سلامتی کونسل ءِ تپاک نامہ آنی سرءَ عمل کنگ لوٹ ایت۔
