جدہ۔27اکتوبر (اے پی پی):اسلامی تعاون تنظیم (او آئی سی) ءِ جنرل سیکرٹریٹ ءَ میاں اوستمانی براتی ءَ گوں لوٹ کتگ کہ آ اقوام متحدہ ءِ سلامتی کونسل ءِ تپاک نامہ آنی ردء َ کشمیرءِ جیڑہءَ را گیش ء ُ گیوا رکنگءِ ھاترءَ محکمیں گامگیج بہ کنت۔ 27 اکتوبر ءَ جموں و کشمیر ءِ سرءَ بھارتء ِ ناجائن قبضہ ءَ را 76 سال سرجم بوتگ۔ جمعہ ءِ روچءَ اوآئی سی ءِ جنرل سیکرٹریٹ ءَ کشمیر سیاہ روچءِ مو ہ ءَ شنگ کتگیں بیان ءِ تہا بھارت ءِ غیر کانودی قبضہ ءِ حلاپ ء ُ جموں کشمیر ءِ اُلس ءِ وت واجہیءِ حک ءِ دئیگ ءِ ھاترءَ او آئی سی ءِ جزم ءِ درشانی کتگ۔ جنرل سیکرٹریٹ ءَ اسلامی سروکی دیوان ء ُ اوآئی سی کونسل آف دری کارانی وزیر ءِ فیصلہ ء ُ تپاک نامہ آنی ہوالگءَ بھارت ءِ سرءَ زو ر پرداتگ کہ آ کشمیرءِ سرءَ وتی ناجائن قبضہ ءَ ہلاس بہ کنت ء ُ کشمیرءِ مردماناں انسانی بنکی حکاں بہ دنت ء ُ 5 اگست 2019 ءَ چہ کتگیں غیر کانودی ء ُ یک نیمگی گامگیجاں واتر بزوریت۔
