کوئٹہ۔ 27 اکتوبر (اے پی پی):گورنر بلوچستان ملک عبدالولی کاکڑ ءِ سروکی ءَ کوئٹہ ءَ کشمیرءِ سرءَ بھارتی قبضہ ءِ ہوالگءَ سیاہ روچ روانک جمعہ ءِ روچءَ زرغون روڈ گورنر گس کوئٹہ ءَ چہ بندات بوتگء ُ شہید فیاض سنبل چوک ءَ ہلاس بوتگ۔ روانک ءَ ادارکی صوبائی وزیرآں ہوار زندگ ءِ بازیں تک ء ُ پھناتاں چہ سیادی داروکیں مردم ہوا ر بوتگ اَنت۔ اے موہ ءَ گورنر بلوچستان ملک عبدالولی خان کاکڑءَ میڈیا ءَ گوں تران کتگء ُ گشتگ کہ مرچی ما کشمیرءِ سرءَ بھارتی قبضہ ءِ ہوالگءَ سیاہیں روچ گوازینگ ءَ اَنت، کہ ایشی ءِ تہا ما شہر شہر جلسہ ء ُ روانکانی وسیلگءَ کشمیری براتء ُ گہارانی گوما یکوئی ءِ درشانی ءَ کنگءَ اَنت ۔ آئی ءَ گشتگ کہ ما کشمیرء ُ فلسطین ءَ ہوار سرجمیں دنیاءِ بزگیں راج ء ُ مظلوم تبک ءِ سرءَ بوہوکیں زُلم ء ُ ناحکی ءِ حلاپ ءَ اَنت، ، پاکستان ءَ اقوام متحدہ ءَ ہوار سرجمیں دنیاءِ ہرچ زمہ واریں فورم ءِ سرءَ کشمیرءِ جیڑہ ءِ را سرجمی ءَ پدر کتگ، گورنر بلوچستان ملک عبدالولی کاکڑ ءَ گشتگ کہ انٹرنیشنل کمیونٹی ءِ دلگوشی کشمیرءِ جیڑہ ءِ نیمگءَ کنگ بہ بیت ۔
