ملتان۔ 27 اکتوبر (اے پی پی):ڈپٹی کمشنرملتان کیپٹن رضوان قدیر ءَ گشتگ کہ مرچی جموں و کشمیر ءِ مزنیں بہرے ءِ سرءَ بھارت قبضہ کنگءَ را 76 سال سرجم بوتگ۔ کشمیری آناں آیانی وتی سرڈگار ءِ سرءَ یک بے وسء ُ واکیں کمیونٹی ءِ تہا مٹ کنگءِ پندل سازگ بوہگءَ اِنت۔ اے ھیالا نی درشانی آئی ءَ ضلعی انتظامیہ ءِ سروکی ءَ ملتان آرٹس کونسل ءَ کشمیر سیاہ روچءِ موہ ءَ کشمیری براتانی گوما یکوئی ءِ درشانی ءِ ھاترءَ ہڈ داتگیں مراگشء ُ عکسی نماشءَ گوں تران کنان ءَ کتگ۔ اے موہ ءَ ڈی جی ایم ڈی اے ڈاکٹرزاہد اکرام،اسسٹنٹ کمشنر سٹی سیمل مشتاق ءَ ہوار ضلعی افسر ہوار بوتگ اَنت۔ ڈپٹی کمشنر ءَ گشتگ کہ 76 سالانی تہا ہزاراں بے گناہ کشمیری بھارتی زُلم ء ُ ناحکی ءِ آماچ بوتگ اَنت ء ُ جنگء ُ کوشگ بوتگ اَنت۔ اے موہ ءَ باسکاں “کشمیر بنے گا پاکستان” ءِ نعرہ جتگ۔ مراگشءَ نودربرآں کشمیر ءِ ہوالگءَ حاسیں ٹیبلو ہم پیش کتگ۔ مراگش ءِ گڑسرءَ کشمیری براتانی گوما یکوئی ءِ درشانی کنگ ءِ ھاترءَملتان آرٹس کونسل ءَ چہ کلمہ چوکءَ روانک ءَ سول سوسائٹی ءَ سرجمی ءَ بہر زُرتگ۔ باسکاں بینر ء ُ پوسٹر چست کتگء ُ انسانی دستانی زمزیل ہم جوڑ کتگ۔
