اسلام آباد۔27اکتوبر (اے پی پی): ملک مستر ڈاکٹر عارف علوی ءَ گشتگ کہ بھارتءِ 5 اگست 2019 ءِ یک نیمگی ء ُ غیر کانودی گامگیج اقوام متحدہ ءِ سلامتی کونسل ءِ تپاک نامہ ء ُ میاں اوستمانی کانودءِ حلاپ ورزی اِنت۔ آبادتی مٹء ُ بدلی کنگ ء ُ دمگءِ سرءَ بھارتی قبضہ ءَ را الم کنگءِ کوشستانی مولء ُ مراد کشمیری اُلس ءِ وتی باندات ءِ وت پیسلہ کنگءِ جمہوری حک ءَ را نقصان دیئگ اِنت، مرچگیں روچءَ کشمیری آنی وت واجہی ءِ جدوجہد کنگءَ آیاناں دادء ُ سلام پیش کناں، کشمیری اُلس بھارتی اُردانی نیمگءَ چہ زلمءُ ناحکی ءِ دیمپانی ءَ کنگءَ اَنت۔ آیانی قربانی رنگ کاراں۔ ملک مستر ڈاکٹر عارف علوی ءَ 27 اکتوبر 2023 ءَ کشمیر سیاہیں روچ ءِ موہ ءَ وتی کلو ہ ءِ تہا گشتگ کہ 27 اکتوبر 1947 کشمیری اُلسءِ ھاترءَ سیاہ تریں روچانی تہا یک روچ اِنت۔ آئی ءَ گشتگ کہ گوستگیں 76 سالانی تہا بھارت ءَ جمہوں و کشمیر ءِ اُلس ءِ نیمگءَ چہ وتی زمہ واریاں پیلو ناکتگ اَنت ء ُ اقوام متحدہ ءِ سلامتی کونسل ءِ تپاک نامہ ءِ حلاپ ورزی کتگ۔ آئی ءَ گشتگ کہ پاکستان اقوام متحدہ ءِ سلامتی کونسل ءِ تپاک نامہ ء ُ کشمیری اُلسءِ لوٹانی ردءَ کشمیرءِ جیڑہ ءِ گیشواری ءَ تاں وتی ہمراہ داری ءَ برجاہ داریت۔
