اسلام آباد۔27اکتوبر (اے پی پی): ادارکی بنجاھی وزیر برائے راجی جان سلامتی ڈاکٹر ندیم جان ءَ گوں امریکی سفیر ڈونلڈ بلوم ءَ گوں گند ءُ نند کت۔ آءی ءَ پاکستان ءُ امریکا ءِدو نیمگی یکوئی آنی سر ءَ ھیال ریچی کت ءُ دوئیں ملک آنی نیام ءَکمک آنی رد ءَ شریکداری ءَ را گیش برجم کنگ ءِجزم ءِ درشان کت۔ وزارت ءِ جان سلامتی ءِ نیمگ ءَ جاڑیگیں بیان ءِ رد ءَ امریکی سفیر ءَ جان سلامتی ءِ شوبگ ءَ وتی پاکستان ءِ گوما کمک آناں جاڑی دارگ ءِ جزم ءِ درشان کت ایشی ءَ وردن، لاپ پری ءُ نوک بوتگیں زھگ آنی جان سلامتی ، بازیں نادراھی آنی گر ءُ دار ءُ ھاندانی منصوبگ بندی ھوار انت۔
