اسلام آباد۔26اکتوبر (اے پی پی): ادارکی بنجاھی وزیر تہی کار سرفراز احمد بگٹی ءَ گوشتگ کہ گیر کانودی رد ءَ ملک ءَ نندوکیں گیر ملکی آنی پترگ ءِ منصوبگ ءِ ھوالگ ءَ توامیں انتظامی ءُ تیاری آناں سرجم کنگ بوتگ، یکم نومبر ءَ چہ پد گیر کانودی گیر ملکی آنی در کپگ ءُ لڈگ ، یا لڈینگ ءِ پالیشی ءِ سر ءَ اچ رنگ ءَ یلوئی نہ بیت، ملک ءَ چہ در کتگیں گیر ملکی ھاندان آناں 50 ہزار ءَ چہ گیش نگدی زر گوں وت برگ ءِ موہ دیگ نہ بیت۔ آ پنچ شمبے ءِ روچ ءَ پریس کانفرنس ءَ گوں گشتانک دیان ءَ کت۔ بنجاھی وزیر سرفراز بگٹی ءَ گوشتگ کہ جتا جتائیں شہر آنی تہ ءَ ہولڈنگ سینٹرز جوڑ کتگ۔ گیر کانودی گیر ملکی آناں آھودا نندارینگ بیت۔ آھودا آواناں توامیں آسراتی دیگ بیت۔ ارکسی کرا کہ اچ وڑیں مسل ءُ کاگد نیست گڈا آواناں گرگ ءُ پاٹک ءَ بند کنگ بیت، ارکسی کرا مسل ءُ کاگد بنت آواناں شرپ ءُ ازت دیگ بیت، آواناں گرگ نہ بیت۔ بے کاگدیں ، بے سندیں مردم آناں گرگ ءُ پاٹک ءَ بند کنگ بیت۔ آئی ءَ گوشت کہ گیر ملکی آناں ملک ءَ نند گ ءَ گیر کانودی آسراتی پجاری کنوکیں پاکستانی آنی ھلاپ ءَ کانودی ترندیں کاروائی کنگ بیت۔ گیر ملکی آناں شناختی کارڈ جاڑی کنوک آنی ھلاپ ءَ ھم کاروائی کنگ بیت۔
