اسلام آباد۔26اکتوبر (اے پی پی):گوادر بندرگاہ بیلٹ اینڈ روڈ ءِ ہوالگءَ چین پاکستان اقتصادی راہداری ءِ یک حاسیں منصوبہ اِت۔ ماہی کُشانی یک کسانیں میتگے ءَ چہ تاں یک جدید بندرگاہ ءَ تاں ، گوادر دھکہ ءِ دیمروئی ء ُ مٹء ُ بدلیاں چین ء ُ پاکستان ءِ مردمانی زندمانی تہا حاسیں کرد پیلو کتگ۔ گوادر پورٹ حکام ءِ ردءَ 10 سال ءِ تعمیر ء ُ دیمروئی ءَ پد، گوادر دھکہ سرجمیں آسراتی ء ُ ارزان رؤگ ء ُ آیگ ءِ یک دمگی لاجسٹک بُنجاہ ء ُ صنعتی اڈّا ءِ تہا مٹ بوتگ۔ اے گپ ھیال کنگ بہ بیت کہ گوادر دھکہ ءِ جوڑ بوہگءَ چہ ھندی اقتصادی دیمروئی گیش بوتگ ء ُ دو لکھ ءَ چہ گیش مردماناں روزگار رستگ۔ چین ءِ نیمگءَ چہ جوڑکتگیں بنکی ڈھانچہ ءِ دیمروئی ءَ چہ ھندی مردماناں باز پائدگ رستگ ۔ آئی ءِ درور چائنا پاکستان فرینڈشپ نادراہ اِنت۔ اےنادراہ جاہءَ پد مردماناں علاج ءِ ھاترءَ نوں بازیں کلومیٹر ءِ سفر کنگءِ ضلورت نااِنت چیا کہ اِدءَ مزنیں معیارءِ طبی آسراتی اَست۔ ہمے وڑءَ چائنا پاکستان ووکیشنل اینڈ ٹیکنیکل کالج ءِ جوڑ بوہگءَ چہ ھندی مردمانان جدید ٹیکنالوجی ء ُ ہنر ھیل کنگ ءِ موہ رستگ کہ ایشی ءَ چہ آیاناں گوادر پورٹ ء ُ فری زون ءَ روزگار رسیت۔ ھندی مردم گوادر دھکہ ءِ روژنائیں باندات ءِ ہوالگءَ باز اُمیت کنگءَ اَنت۔ آئی ءَ گشتگ کہ دہ سالانی تہا چین پاکستان اقتصادی راہداری ء ُ بیلٹ اینڈ روڈ انیشی ایٹو ءَ چہ گوادر دھکہ ءَ باز جوانیں مٹء ُ بدلی اَتکگ۔ امنء ُ ایمنی، وشھالی ء ُ دیمروئی ءِ زمانگ بیت۔ گوادر دھکہ سرجم بنکی ڈھانچہ ءَ ہوار عملی ازمت دنت ء ُ چین ءِ کمک ءَ چہ جوڑ کتگیں بنکی ڈھانچہ ءَ چہ کشء ُ کِرءِ لھس مھلوک پائدگ چست کناں ۔
