درائیں چِنء ُ لانچ سرجم اَنت، الیکشن مھتل بوہگءِ ایچ وڑ نیست،   الیکشن کمیشن ءِ جارچین

اسلام آباد۔26اکتوبر  (اے پی پی):الیکشن کمیشن  ءَ گچین کاری مھتل  بوہگ ءِ گپ ءَ را ترندیں ایر جتگء ُ گشتگ کہ اے راستیں گپے نااِت کہ الیکشن مھتل  بنت، درائیں  چِنء ُ لانچ سرجم اَنت ء ُ حلقہ بندیاناں گڈی کاراں چہ پد گچین کاری ءِ شیڈول ءِ جار جنگ بیت، ایشی ءِ تہا ایچ وڑیں  گپ  نیست۔ پنچ شمبے ءِ روچءَ الیکشن کمیشن ءِ جارچین ءِ  نیمگءَ چہ شنگ کتگیں بیان ءِ تہا گشگ بوتگ کہ ملک مسترءِ گوستگیں روچ چارشمبے ءِ رو چءَ یک پرائیوٹ چینل ءِ سرءَ گلگودار ءِ تہا الیکشن ءِ ہوالگءَ  ھیال ء ُ لیکہ ءِ درشانی ءِ وہدءَ اے گپ دیما آرگ بوتگ کہ بوت کنت گچین کاری مھتل بہ بنت۔ الیکشن کمیشن  مردمانی اے گمان ءَ را ایر جنت  کہ الیکشن کمیشن مھتل بنت۔ آئی ءَ گشتگ کہ حلقہ بندی آنی اولی بہر سرجم بوتگ ء ُ  اعتراضات جم کنگءِ دومی بہر باندا بزاں 27 اکتوبر ءَ سرجم بمت۔ ایشی ءِ گوما  بنداتی حلقہ بندی آنی سرءَ  اعتراض آنی گوشدارگءَ الیکشن کمیشن 30/31 اکتوبر ءَ چہ بندات کنت ء ُ 30 نومبر 2023 ءَ الیکشن کمیشن حلقہ بندیانی گڈی لڑءَ شنگ کنت۔ آئی ءَ گشتگ کہ  الیکشن  ءِ کنگءِ ھاترءَ ایکشن پلان ءِ  ردءَ الیکشن کمیشن ءِ سرجمیں چِنء ُ لانچ سرجم اَنت ء ُ حلقہ بندیانی گڑی کاراں پد گچین کاری  ءِ شیڈول ءِ جارجنگ بیت۔ ایشی ءِ تہا  وڑیں شک نیستء ُ  ایچ وڑیں گپ نیست۔