کوئٹہ۔ 26 اکتوبر (اے پی پی): تہی کارانی ادارکی صوبائی وزیر میرزبیر احمد جمالی ءَ گشتگ کہ درملکی آنی ھاترءَ پلان رِدء ُ بند دیئگ بوتگ، یکم نومبرءَ چہ غیر کانودی ءَ ملک ءَ آیوکیں مردمانی حلاپءَ کاروائی بندات کنگ بیت، بلوچستان ءَ تاں انوں 14 ہزار درملکی مردم وتی ملک ءَ واتر بوتگ اَنت۔ اے ھیالانی د رشانی آئیءَ پنچ شمبےء ِ روچءَ کوئٹہ پریس کلب ءَ پریس کانفرنس کنان ءَ کتگ۔ آئیءَ گشتگ کہ پاکستان ءَ غیر کانودی ردءَ آیوکیں مردم چہ کجام ہم ملک ءِ بہ بنت آ یکم نومبر ءَ چہ پیسر واتر برو اَنت، حکومت آیاناں ہرچ وڑیں بوہوکیں آسراتی دنت۔ حکومت اے درملکیانی ہوالگءَ جیوفینسنگ ءَ ابید نادرا ءِ کمک ءَ چہ ہم کار کنت۔ تاں انوں بلوچستان ءَ 14 ہزار درملکی وت واتر بوتگ اَنت۔ تہی کارانی صوبائی وزیر میرزبیر احمد جمالی ءَ گشتگ کہ بلوچستان ءَ امنء ُ ا یمنی ءِ جاورھال گہتر کنگ حکومت ءِ اولی دلگوشی اِنت۔ بی این پی مینگل ءِ وڈھ ءَ چہ لانگ مارچ ءَ را فول پروف سکیورٹی دیئگ بوتگ۔
