کوئٹہ۔ 26 اکتوبر (اے پی پی): بلوچستان ءِ اھیوال کاری ء ُ شنگکاری ءِ ادارکی وزیر جان اچکزئی ءَ سبی ہرنائی ریل سروس ءِ بحال بوہگءَ اُلسء ُحکام ءَ را مراد بات داتگ۔ آئیءَ میڈیا ءَ گوں گپ ءُ تران کتگء ُ گشتگ کہ 17 سال پد سبی ء ُ ہرنائی ءِ نیام ءَ ریل سروس یک رندے پدا بندات کنگ بوتگ، ٹرین سروس ءِ بحالی ءَ چہ اُلس ءَ را آسراتی رسیت ء ُ جوانیں معاشی اثر کپیت۔ آئیءَ گشتگ کہ سبی تاں ہرنائی ریل سروس ءِ بحالی باز وشیں گامگیج اِت ء ُ ریلوے حکام ء ُ فرنٹیئر کورءِ کوشستاناں ساڑاتگ، ایف سی ءَ ریل سروس ءِ بحال کنگءَ حاسیں کرد پیلو کتگ۔ بلوچستان ءِ حال ء ُ اھیوال کاری ء ُ شنگکاری ءِ ادارکی وزیرءَ گشتگ کہ صوبائی حکومت ہرچ ہما گامگیج ءَ را شرپ ء ُ ارزشت دنت کہ آئی ءَ چہ اُلس پائدگ چست کن اَنت۔
