اسلام آباد۔25اکتوبر (اے پی پی):توانائی ءِ ادارکی بنجاہی وزیر محمد علی ءَ گشتگ کہ پاکستان ء ُ جنوبی کوریاءِ نیام ءَ سیادی تنا سفارت کاری ءَ بندوک نیاِِں، دوئیں ملک آنی نیامءَ توانائی ءَ ہوار گہ بازیں پڑآں نزیکیں کمک اَست، کوریا ءِ کمپنی آنی ھاترءَ پاکستان ءَ قابل تجدید ء ُ پن بجلی ءَ ہوار توانائی ءِ بازیں پڑآں زرکاری کنگءِ موہ اَست۔ اے ھیالانی درشانی آئی ءَ چارشمبے ءِ روچءَ و یہاں انسٹی ٹیوٹ آف اسٹریٹجک اسٹڈیز اسلام آباد ءُ جمہوریہ کوریا ءِ سفارت خانہ ءِ چیردستی ءَ ” پاکستان ءُ کوریا ءِ نیامءَ دوستی ءِ 40 سالی گوست، انوں ء ُ باندات” ءِ سرھال ءِ سرءَ مراگش ءَ گوں تران کنان ءَ کتگ۔ مراگش ءَ ہوار باسکاں مراگش ءِ دو ورکنگ سیشنز آنی تہا پاکستان ء ُ جنوبی کوریاءِ نیامءَ دوستی ءِ راج دپتری سیادی ءِ ہوالگءَ ھیالء ُ لیکہ ءِ درشانی کتگ وہدے کہ دوئیں ملک آنی زانت کاراں باسکاناں جنوبی کوریا ء ُ پاکستانءِ سیادی ءِ ہوالگءَ سرپد ی داتگ۔ 1983 ءَ سفارتی سیادی جوڑ کنگ ءَ پد پاکستان ء ُ جمہوریہ کوریا ءَ یک ترندء ُ محکمیں شریداری جوڑ کتگ کہ آئی ءِ تہا اسڑیٹجک ء ُ اقتصادی کمک ہوار اَنت۔ دوئیں ملک آں اقوام متحدہ ءَ ہوار بازیں میاں اوستمانی فورم آں نزیکیں کمک کتگء ُ میاں اوستمانی امنء ُ ایمنی ء ُ سلامتی ءِ ھاترءَ وتی جزم ءِ درشانی کتگ۔ پاکستان ء ُ جنوبی کوریا ءِ شریداری سرجمیں دنیاءِ ملک آنی نیامءَ محکمیں سیادی جوڑ کنگءَ سفارت کاری، بیپار ءِ طاقت ءِ ثبوت اِنت۔ مراگشءَ دوئیں ملک آنی سفارت کاراں، وانگء ُ زانگءِ زانت کار ء ُ ایندگہ پڑآنی زانت کار ہم ہوار بوتگ اَنت۔
