اسلام آباد۔25اکتوبر (اے پی پی): ادارکی مزن وزیر انوار الحق کاکڑ ءَ سیادی داروکیں کارندہ آناں آزات جموں کشمیر ، کوئٹہ ءُ سندھ ءَ توان ءِ دزئی ءِ گر ءُ دار ءِ کوشست ءَ را ترند کنگ ءِ پنت ءُ شون ءَ کنان ءَ گوشتگ کہ مئے زمہ واری انت کہ توان دزئی ءَ را گر ءُدار ءِ گامگیج آنی وسیلگ ءَ آیوکیں جمہوری حکومت آنی واستہ یک برجمیں نظام ءِ جوڑ کناں۔ کشت ءُ کشاری ٹیوب ویل آناں سولر سٹم ءَ کنگ بیت، بلوچستان ءَ توان ءِ دزئی ءِ گامگیج ءِ ھلاپ ءَ گہگیری ءُ ایندگر جیڈھ آنی ھوالگ ءَ یک ٹوھیں رپوٹ ءِ پیش کنگ بیت۔ چار شمبے ءَ مزن وزیر کارگس ءِ میڈیا ونگ ءِ نیمگ ءَ جاڑی بوتگیں پریس ریلیز ءِرد ءَ ادارکی مزن وزیر انوار الحق کاکڑ ءِ سروکی ءَ توان دزئی ء گر ءُ دار ءِ گامگیج ءِ سر ءَ چار ءُ تپاسی دیوان ءِ بوت۔ دیوان ءَ ادارکی وزیر ءِ تہی کار، ادارکی وزیر ءِ ھاٹیگ ، ادارکی وزیر اھوالکاری ءُ شنگ کاری ، صوبائی چیف سیکرٹریز ءُ سیادی داروکیں بنجاھی سیکرٹریز ساڑی اتنت۔ دیوان ءَ مزن وزیر ءَ را گامگیج آنی بنگیج ءَ چہ بگر انوگ ءَتاں سہرا بوتگیں آسر آنی بوھگ ءَ بریفنگ دیگ بوت۔ دیوان ءَ گامگیج آنی آسر آنی ھوالگ ءَ سرپد کنگ بوت۔
